Þorbergur og Sól hækkuðu mest á styrkleikalistanum á milli ára
Þorbergur Freyr Pálmarsson, BH, hækkaði mest allra á styrkleikalista BTÍ frá 1. júlí 2022 til 1. júlí 2023 en hann bætti sig um 240 stig á milli ára.
Skammt á eftir Þorbergi fylgir sú kona sem hækkaði mest kvenna á listanum á sama tíma, Sól Kristínardóttir Mixa, BH, en hún bætti sig um 205 stig á milli ára. Það hefur líklega ekki komið fyrir áður að kona bæti sig um meira en 200 stig á milli ára, síðan byrjað var að taka þessa tölur saman.
Benedikt Aron Jóhannsson, Víkingi, hækkaði næstmest á milli ára eða um 212 stig. Sjö aðrir karlar bættu við sig meira en 100 stigum á milli ára: Alexander Ivanov, BH, 183 stig; Pétur Gunnarsson, KR, 149 stig; Ísak Aryan Goyal, KR, 133 stig; Darian Adam Róbertsson Kinghorn, HK, 118 stig; Michal May-Majewski, BR, 110 stig, Marcin Dobrenko, BR, 108 stig og Björgvin Ingi Ólafsson, HK, 101 stig. Michal og Björgvin bættu sig líka um meira en 100 stig á keppnistímabilinu á undan.
Helena Árnadóttir, KR, bætti sig næstmest kvenna, eða um 52 stig og Marta Stefánsdóttir, KR, bætti við sig 48 stigum.
Leiða má líkum að því að bróðurpartur þeirra sem hafa óbreyttan stigafjölda á styrkleikalista 1. júní 2023 og 1. júlí 2022 hafi ekki tekið þátt í mótum í einliðaleik keppnistímabilið 2022-2023.
Í viðhengjum er merkt við leikmenn, sem komu aftur inn á listann með gömul styrkleikastig og við þá nýju leikmenn, sem voru metnir inn á listann vegna árangurs á sínum fyrstu mótum. Sú merking er ekki tæmandi.
Sjá nánar í viðhengjum:
Styrkleikalisti 2023-2022 samanburður uppfært
Konur 2023-2022 samanburður
Myndir af fésbókarsíðu BTÍ, teknar á BH móti 9.10.2023.
Uppfært 2.11.2023
