Töp hjá íslensku leikmönnunum á EM unglinga í dag, 13. júlí
Íslensku keppendurnir töpuðu leikjum sínum á EM unglinga þann 13. júlí. Þau mættu þau ofjörlum sínum og náðu ekki að vinna lotu.
Ellert Kristján Georgsson lék við Azerann Khinhang Yu í 2. umferð í einliðaleik og tapaði 0-4. Harriet Cardew lék við Wiktoriu Wrobel frá Póllandi í einliðaleik og tapaði 0-4. Þá mættu Harriet og Agnes Brynjarsdóttir Svíunum Leah Tveit Muskantor og Nomin Baasan og töpuðu 0-3.
Íslensku leikmennirnir léku ekki í tvenndarleik á mótinu.
Þann 14. júlí er leikið í huggunarkeppni (B-keppni) í einliðaleik. Ellert mætir Aidan Dwight Mallia frá Möltu, Ingi Darvis leikur við Maksim Vuhka frá Eistlandi, Harriet keppir við Adriana Illasova frá Slóvakíu og Gestur við Adrian Dillon frá Austurríki. Nafn andstæðings Agnesar var ekki komið á vef mótsins þegar þetta er ritað. Allir þessir leikir fara fram fyrir hádegi 14. júlí.
Forsíðumynd af fésbókarsíðu BTÍ, þar sem sjá má fleiri myndir og klippur af mótinu, auk þess sem þar má finna hlekki á þá leiki sem voru sýndir í beinni útsendingu á vefnum.
