Töp hjá íslensku liðunum á EM unglinga

Íslensku drengja- og sveinaliðin héldu áfram keppni á EM unglinga í Gliwice í Póllandi þann 16. júlí.

Drengjaliðið (16-18 ára) lék fyrst við Wales og tapaði 1-3. Þorbergur Freyr Pálmarsson vann eina leik Íslands en hann lék sem 3. maður. Liðið tapaði svo 0-3 fyrir Noregi og þar vann Þorbergur eina lotu en Eiríkur og Steinar töpuðu sínum leikjum 0-3.
Leikur Íslands og Noregs var á borði 1 og var sýndur beint á vef ETTU.

Sveinaliðið (15 ára og yngri) mætti fyrst Moldóvu og svo Litháen. Báðir leikir töpuðust 0-3 án þess að lota ynnist.

Þann 17. júlí leika liðin síðustu leikina í þessum riðlum. Drengjaliðið mætir Möltu í Q-riðli og sveinaliðið Lettlandi í O-riðli. Báðir leikir fara fram kl. 9.

Forsíðumynd af fésbókarsíðu BTÍ.