Unglingalandsmót UMFÍ í Borgarnesi
Eins og áður var auglýst í dagatali BTÍ fer unglingalandsmót UMFÍ fram í Borgarnesi verslunarmannahelgina 1.-4. ágúst nk.
Borðtennismót leikanna fer fram í íþróttasal undir sundlauginni í Borgarnesi kl. 10:00-15:00 sunnudaginn 4. ágúst. Keppt verður í stúlknaflokkum 11-14 ára og 15-18 ára og drengjaflokkum 11-14 ára og 15-18 ára. Lágmarksfjöldi þátttakenda í flokki er 2. Berist margar skráningar munu einhverjir flokkanna hefjast kl. 11 eða 12, frekar en 10 og verður það auglýst hér og á heimasíðu unglingalandsmóts að drætti loknum.
Keppnisfyrirkomulagið er þannig að keppt verður í riðlum og fara efstu tveir leikmenn úr hverjum riðli og keppa í einföldum útslætti (ef fleiri en einn riðill er í flokki). Raðað verður í riðla samkvæmt styrkleikalista, sbr. 17. gr. keppnisreglna BTÍ. Mótið gildir til stiga á styrkleikalistanum. Leikmaður þarf að vinna 3 lotur til að vinna viðureignina, bæði í riðlunum og í útsláttarkeppninni.
Dagskrá:
- 15-18 ára strákar kl. 09:30
- 15-18 ára stelpur kl. 10:30
- 11-14 ára stelpur kl. 12:00
- 11-14 ára strákar kl. 13:30 (í lagi að mæta kl. 15 fyrir þá sem eru að keppa í fótbolta til 15)
Leikið verður með hvítum Stiga 3 stjörnu kúlum á sex keppnisborðum og veitir UMFÍ medalíur sem verðlaun fyrir fjögur efstu sætin í hverjum flokki.
Mótsstjóri og yfirdómari er Auður Tinna Aðalbjarnardóttir (s: 868-6873).
Dregið verður í mótið í Strassborg í Frakklandi 30. júlí nk. kl. 19 að staðartíma en skráningarfrestur er til 29. júlí kl. 18. Skráning fer fram á heimasíðu UMFÍ og veitir þátttökugjaldið, 9.400 kr. rétt til þáttöku í öllum 18 keppnisgreinum unglingalandsmótsins, viðburðum auk gistingar á tjaldsvæði mótsins og aðgangi að sundlaugum Borgarfjarðar.
Fréttin var uppfærð 4. ágúst 2024
