Íslandsmeistarar á Íslandsmóti unglinga 2014 (Mynd: Ingimar Ingimarsson)

Seinni dagur keppni á Íslandsmóti unglinga var í KR-heimilinu við Frostaskjól. Keppt var til úrslita í 16 flokkum.

Kolfinna Bergþóra Bjarnadóttir, HK, Sigrún Ebba Tómasdóttir, KR og Sigurjóna Hauksdóttir, BH urðu þrefaldir meistarar. Hrefna Namfa Finnsdóttir, HK, Jóhannes Bjarki Tómasson, BH og Magnús Gauti Úlfarsson, BH urðu tvöfaldir meistarar.
KR-ingar unnu flesta titla, 8 talsins. KR-ingar fengu einnig flest verðlaun allra félaga. BH vann 5 titla, HK 4,5 og Víkingur 2,5. Ungmennafélagið Hekla vann sinn fyrsta titil í borðtennis frá upphafi þegar Þorgils Gunnarsson sigraði í einliðaleik hnokka fæddra 2003 og síðar. Auk þess komu keppendur frá Dímon en keppendur Akurs og UMSE voru því miður veðurtepptir fyrir norðan. Skráðir keppendur voru tæplega 100 talsins.

Úrslit úr öllum flokkum eru komin á vef Tournament Software, www.tournamentsoftware.com.

ÁMU (uppfært 24.3. og 12.4.)