Úrslit úr aldursflokkamóti KR 2019
Fyrsta mótið í aldursflokkamótaröð BTÍ 2019-2020 fór fram í Íþróttahúsi Hagaskóla 6. október og var það Borðtennisdeild KR sem hélt mótið. Keppt var í fjórum aldursflokkum drengja og stúlkna. Skráðir keppendur voru 68 frá BH, Dímon, Garpi, Heklu, HK, KR og Víkingi.
Sigurvegarar dagsins voru Alexander Chavdarov Ivanov, BH; Berglind Anna Magnúsdóttir, KR; Eiríkur Logi Gunnarsson, KR; Guðbjörg Vala Gunnarsdóttir, KR; Kristín Ingibjörg Magnúsdóttir, KR; Kristófer Júlían Björnsson, BH, Magnea Ósk Hafsteinsdóttir, Dímon og Nikulás Dagur Jónsson, BH. Í hópnum eru tvö systkinapör úr KR, annars vegar þau Eiríkur Logi og Guðbjörg Vala og hins vegar Berglind Anna og Kristín Ingibjörg.
Í flestum yngri flokkunum höfðu sigurvegararnir nokkra yfirburði en í stúlknaflokki var keppnin jöfn og spennandi og úrslitin réðust í lokin. Í drengjaflokki var einnig hart barist um verðlaunin.
Verðlaunahafar í einstökum flokkum:
Tátur fæddar 2009 og síðar (sjá forsíðumynd)
- 1. Guðbjörg Vala Gunnarsdóttir, KR
- 2. Elísa Þöll Bjarnadóttir, HK
- 3.-4. Þórdís Lilja Jónsdóttir, BH
- 3.-4. Magnea Furuhjelm Magnúsdóttir, Dímon
Guðbjörg Vala vann Elísu Þöll 3-0 (11-7, 11-4, 11-4) og tapaði ekki lotu á mótinu.
Hnokkar fæddir 2009 og síðar
- 1. Nikulás Dagur Jónsson, BH
- 2. Kristófer Logi Erlingsson, Víkingi
- 3.-4. Jökull Ernir Steinarsson, Garpur
- 3.-4. Viktor Daníel Pulgar, KR
Nikulás vann Kristófer 3-1 (5-11, 11-5, 12-10, 11-7) og var lotan, sem hann tapaði í úrslitaleiknum eina lotan sem hann tapaði á mótinu.
Telpur fæddar 2007-2008
- 1. Magnea Ósk Hafsteinsdóttir, Dímon
- 2. Patrycja Sóla Niton, KR
Magnea vann Patrycju örugglega 3-0 (11-1, 11-4, 11-4) en þær léku með meyjunum í næsta aldursflokki fyrir ofan til að fá að spila fleiri leiki.
Piltar fæddir 2007-2008
- 1. Alexander Chavdarov Ivanov, BH
- 2. Anton Óskar Ólafsson, Garpur
- 3.-4. Magnús Thor Holloway, KR
- 3.-4. Dagur Orrason, Víkingi
Alexander sigraði Anton Óskar 3-0 (11-6, 11-4, 11-9) í úrslitaleiknum og vann alla leiki sína á mótinu 3-0.
Meyjar fæddar 2005-2006
- 1. Berglind Anna Magnúsdóttir, KR
- 2. Guðrún Margrét Sveinsdóttir, Dímon
- 3. Sara Elísabet Jónsdóttir, BH
- 4. Andrea Cecilia Pulgar, KR
Berglind var öruggur sigurvegari í flokknum og tapaði ekki lotu. Hún vann Guðrúnu Margréti 3-0 (11-5, 11-4, 11-2) í þeirra innbyrðis viðureign.
Sveinar fæddir 2005-2006
- 1. Kristófer Júlian Björnsson, BH
- 2. Eysteinn Örn Jóhannesson, KR
- 3.-4. Kristinn Viðar Eyjólfsson, Hekla
- 3.-4. Kormákur Hólmsteinn Friðriksson, KR
Kristófer sigraði Eystein 3-0 (11-7, 11-4, 11-2) í úrslitaleiknum.
Stúlkur fæddar 2002-2004
- 1. Kristín Ingibjörg Magnúsdóttir, KR (4 vinn.)
- 2. Alexía Kristínardóttir Mixa, BH (4 vinn.)
- 3. Harriet Cardew, BH (3 vinn.)
- 4. Lóa Floriansdóttir Zink, Víkingi (2 vinn.)
- 5. Sandra Dís Guðmundsdóttir, BH (2 vinn.)
Í þessum flokki var hart barist enda stúlkurnar mjög jafnar að getu og fór engin þeirra ósigruð heim að móti loknu. Alexía er fædd árið 2006 og spilaði upp fyrir sig í aldri. Hún fékk jafnmarga vinninga og Kristín en þar sem Kristín vann Alexíu í þeirra innbyrðis viðureign vann hún flokkinn. Þeim leik lauk með 3-0 (11-6, 11-8, 11-5) sigri Kristínar.
Drengir fæddir 2002-2004
- 1. Eiríkur Logi Gunnarsson, KR (5 vinn.)
- 2. Thor Thors, KR (4 vinn.)
- 3. Þorbergur Freyr Pálmarsson, BH (2 vinn.)
- 4. Askur Ingi Bjarnason, Víkingi (2 vinn.)
- 5. Benedikt Vilji Magnússon, KR (2 vinn.)
Eiríkur Logi er fæddur árið 2005 og spilaði því upp fyrir sig um flokk, en vann samt sem áður alla leiki sína. Hann vann Thor í þremur jöfnum lotum (19-17, 11-9, 12-10) en þurfti oddalotu til að vinna Benedikt Vilja Magnússon. Þrír leikmenn voru jafnir í 3.-5. sæti og réðist röðin af innbyrðis viðureignum þeirra.
Myndir frá Auði Tinnu Aðalbjarnardóttur.
Uppfært 7.10.2019.
