Úrslit úr Kjartansmóti KR 1. nóvember
Verðlaunahafar í karlaflokki í Kjartansmóti KR (Mynd: Aldís Rún Lárusdóttir).
Hið árlega Kjartansmót KR fór fram í KR-heimilinu við Frostaskjól laugardaginn 1. nóvember. Mótið er nefnt eftir fyrrum formanni Borðtennisdeildar KR, Kjartani Briem. Keppt var í tveggja manna liðum í þremur aldursflokkum unglinga fæddum 2000 og síðar, sem og í karla- og kvennaflokki.
Í karlaflokki sigruðu Daði Freyr Guðmundsson og Magnús K. Magnússon úr Víkingi. Í kvennaflokki vörðu Aldís Rún Lárusdóttir og Guðrún G Björnsdóttir úr KR titilinn frá í fyrra.
KR-ingar voru sigursælir í unglingaflokkum og unnu í öllum flokkum nema einum, en þar hirtu Víkingar sigurinn.
ÁMU (uppfært 2.11.)
