Úthlutanir styrktarsjóðs BTÍ

Stjórn BTÍ hefur afgreitt umsóknir til styrktarsjóðs BTÍ fyrir keppnistímabilið 2023 til 2024. Alls voru gefin vilyrði fyrir styrkjum rúmlega að upphæð 400.000 kr., sem uppfyllir markmið BTÍ. Alls bárust umsóknir frá 18 einstaklingum eða félögum – sem er mesti fjöldi umsókna hingað til.

16 einstaklingar eða félög fengu styrk en tveimur umsóknum var hafnað eða beint í annan farveg. Stjórn BTÍ er sérstaklega ánægð með að hafa loks fengið umsóknir frá þremur borðtenniskonum í sjóðinn, en eitt af markmiðum sjóðsins er að styrkja fjölbreyttan hóp umsækjenda.

Eftirtalin verkefni fengu styrk að þessu sinni:

• Fimm leikmenn frá BH og fjórir frá KR fá styrk til þátttöku á Europe Trophy í desember sl.
• Ársól Clara Arnardóttir fær styrk til þátttöku í sænsku deildinni með IFK Lund.
• Magnús Jóhann Hjartarson fær styrk vegna þátttöku í sænsku deildinni með Skurups BTK og vegna keppni á Halmstad Masters.
• Gestur Gunnarsson fær styrk vegna æfingardvalar í Halmstad í Svíþjóð og þátttöku í sænsku deildinni með BTK Rekord.
• Magnús Gauti Úlfarsson fær styrk vegna þátttöku á móti í Hróarskeldu í Danmörku.
• Þorbergur Freyr Pálmarsson fær styrk vegna æfingadvalar hjá BTK-61 í Hróarskeldu í Danmörku.
• Aldís Rún Lárusdóttir og Guðrún G. Björnsdóttir fá styrk vegna þátttöku á HM öldunga í Róm sumarið 2024.

Styrkir verða greiddir út að verkefnunum loknum.