Víkingur-A og KR-A ósigruð eftir sex umferðir í Raflandsdeildarinni
Tvær umferðir voru leiknar í Raflandsdeildinni laugardaginn 18. nóvember í Íþróttahúsi Snælandsskóla, 5. og 6. umferð. 5. umferð er síðasta umferðin í fyrri hlutanum og 6. umferð fyrsta umferðin í þeim seinni.
Í 1. deild karla mættust BH-A og Víkingur-A í 5. umferð en bæði liðin voru ósigruð eftir fjórar umferðir. Víkingur-A sigraði 3-2 í æsispennandi leik og eru Víkingar því efstir eftir fyrri hlutann.
Eftir sex umferðir af tíu í 1. deild karla hefur Víkingur-A 12 stig, BH-A 10 stig, KR-A 8 stig, HK-A 4 stig, Víkingur-B 2 stig og Víkingur-C ekkert stig.
Í 1. deild kvenna er lið KR-A enn ósigrað eftir 6 umferðir og hefur liðið 12 stig. Lið Víkings kemur næst með 10 stig og KR-C hefur 8 stig. KR-B hefur 4 stig, KR-D 2 stig og KR-E hefur ekkert stig.
Úrslit úr einstökum leikjum má sjá hér að neðan.
1. deild karla
5. umferð
- Víkingur C – HK A 0-3
- KR – Víkingur B 3-0
- Víkingur A – BH A 3-2
6. umferð
- BH A- Víkingur C 3-0
- Víkingur A – Víkingur B 3-0
- KR – HK A 3-1
1. deild kvenna
5. umferð
- KR C – KR A 0-3
- Víkingur – KR D 3-0
- KR B – KR E 3-0
6. umferð
- KR E – KR A 0-3
- KR B – Víkingur 1-3
- KR C – KR D 3-1
Úrslit úr öllum leikjum eru komn á vef Tournament Software á slóðinni http://www.tournamentsoftware.com/sport/tournament.aspx?id=73CC2211-E100-4394-9C49-BF9A58B15225. Þar má einnig sjá fjölda leikja sem einstakir leikmenn hafa leikið og vinningshlutfall þeirra.
ÁMU (uppfært 20.11. og 22.11.)
