Víkingur-A sigraði BH-A í Raflandsdeild karla og knúði fram oddaleik
Víkingur-A sigraði BH-A 3-2 í öðrum leik liðanna í úrslitum Raflandsdeildar karla þann 14. mars en leikið var í Íþróttahúsinu við Strandgötu í Hafnarfirði. Liðin mætast því í oddaleik um Íslandsmeistaratitilinn í TBR-húsinu föstudaginn 16. mars kl. 19.
Leikurinn í kvöld þróaðist að ýmsu leyti andstætt við leikinn á mánudaginn. Víkingar byrjuðu betur og komust í 2-0, eftir að Magnús K. Magnússon vann Jóhannes Bjarka Urbancic Tómasson 3-0 og Magnús Jóhann Hjartarson lagði Magnús Gauta Úlfarsson 3-1. Jóhannes og Birgir Ívarsson héldu BH inni í leiknum með sigri á Daða Frey Guðmundssyni og Magnúsi Jóhanni í oddalotu, eftir að hafa í tvígang misst af tækifærinu til að klára leikinn í 3. lotunni. Magnús Gauti vann svo Daða Frey í oddalotu eftir að hafa byrjað vel og unnið tvær fyrstu loturnar örugglega. Daði barðist til baka og vann næstu tvær lotur en Magnús Gauti reyndist sterkari í oddalotunni. Í oddaleiknum lagði Magnús Kristinn Birgi örugglega 3-0 og tryggði Víkingum oddaleik á heimavelli á föstudaginn.
Úrslit úr einstökum leikjum:
BH-A – Víkingur-A 2-3
Jóhannes Bjarki Urbancic Tómasson – Magnús K. Magnússon 0-3 (8-11, 8-11, 8-11) 0-1
Magnús Gauti Úlfarsson – Magnús Jóhann Hjartarson 1-3 (9-11, 11-9, 5-11, 4-11) 0-2
Birgir Ívarsson/Jóhannes – Daði Freyr Guðmundsson/Magnúsi Jóhann 3-2 (11-8, 11-8, 12-14, 9-11, 11-8) 1-2
Magnús Gauti Úlfarsson – Daði Freyr Guðmundsson 3-2 (11-5, 11-3, 13-15, 7-11, 11-7) 2-2
Birgir Ívarsson – Magnús K. Magnússon 0-3 (5-11, 6-11, 6-11) 2-3
ÁMU
