Víkingur-A sigraði KR-A í öðrum úrslitaleiknum í 1. deild karla

Annar úrslitaleikurinn í 1. deild karla var æsispennandi og í þremur leikjum í röð réðust úrslitin með tveggja stiga mun í oddalotu. Leikurinn fór fram á heimavelli Víkings í TBR-húsinu og lauk með 4-2 sigri Víkings-A.

Athyglisvert var að í fimm leikjum af sex léku sömu leikmenn og í fyrsta úrslitaleiknum á mánudaginn og í öllum leikjunum vann sá leikmaður sem tapaði á mánudaginn.

Liðin mætast því í oddaleik í Íþróttahúsi Hagaskóla fimmtudaginn 6. apríl kl. 20 og þar ræðst hvort liðið hampar Íslandsmeistaratitilinum í 1. deild karla.

Úrslit úr einstökum leikjum

Víkingur-A – KR-A 4-2

• Magnús K. Magnússon – Breki Þórðarson 3-0 (11-6, 11-6, 11-9) 1-0
• Sindri Þór Sigurðsson – Skúli Gunnarsson 2-3 (7-11, 11-5, 11-5, 9-11 11-13) 1-1
• Magnús Jóhann Hjartarson – Kári Mímisson 3-2 (11-4, 11-9, 6-11, 11-13, 11-9) 2-1
• Magnús K./Sindri – Kári Ármannsson/Kári Mímisson 3-2 (8-11, 9-11, 11-8, 11-7, 15-13) 3-1
• Sindri Þór Sigurðsson – Breki Þórðarson 1-3 (13-11, 5-11, 3-11, 5-11) 3-2
• Magnús K. Magnússon – Kári Mímisson 3-1 (11-9, 12-10, 10-12, 11-5) 4-2

ÁMU