Automatic translation by Google Translate. We cannot guarantee that it is accurate.

Víkingur lagði KR í Keldudeild kvenna

Leikur Víkings og KR í Keldudeild kvenna fór fram þann 25. janúar, en leiknum var frestað þann 15. janúar. Víkingur vann leikinn 3-1.

Víkingskonurnar Lóa Floriansdóttir Zink og Stella Karen Kristjánsdóttir unnu Ársól Clöru Arnardóttur og Kristínu Ingibjörgu Magnúsdóttur 3-2 í tvíliðaleiknum. Nevena Tasic lagði Ársól og Aldísi Rún Lárusdóttur 3-0 í einliðaleik. Vinningur KR-inga kom þegar Kristín vann Stellu 3-1.

Þetta var fyrri leikur þessara liða í deildinni, en seinni leikurinn verður leikinn helgina 12.-13. febrúar. Þá ræðst hvort liðið verður deildarmeistari.

Liðin leika svo úrslitaleik um Íslandsmeistaratitilinn um leið og leikið verður til úrslita í Keldudeild karla.

Mynd af Nevenu úr myndasafni.

Aðrar fréttir