Víkingur og KR A efst eftir fjórar umferðir
Tvær umferðir fóru fram í Raflandsdeildinni um helgina þegar leikið var í íþróttahúsi Hagaskóla. Í 1. deild karla sigruðu BH-A, KR-A og HK-A í báðum viðureignum sínum. Eftir daginn situr KR A á toppi deildarinnar með tveggja stiga forystu á HK A sem er í öðru sæti. Úrslit í viðureignum helgarinnar voru nokkuð sannfærandi þar sem sigur vannst í öllum viðureignunum 3-0 eða 3-1 en úrslitin voru eftirfarandi:
• BH A – Víkingur B 3-0
• Víkingur A – KR A 0-3
• HK A – KR B 3-1
• HK A – Víkingur A 3-1
• BH A – KR B 3-1
• Víkingur B – KR A 0-3
Í 1. deild kvenna unnu Víkingskonur báðar viðureignir sínar 3-1 en þær spiluðu við KR A og KR C. Þá náði KR C að vinna 3-1 sigur á KR B en eftir daginn eru það Víkingar sem eru í fyrsta sæti með tveggja stiga forystu á KR A. Úrslit dagsins í 1. deild kvenna voru eftirfarandi:
• KR B – KR C 1-3
• KR A – Víkingur 1-3
• KR B – BH A 1-3
• KR C – Víkingur 1-3
Í 2. deild fóru fram þrjár umferðir. Þar eru fjögur lið jöfn að stigum í efsta sæti eftir umferðir dagsins en það eru Víkingur C, HK B, KR D og KR C. Viðureign HK B og KR D var æsispennandi þar sem KR D náði að knýja fram 3-2 sigur. Nánari úrslit í 1. deild og 2. deild er að finna á vef Tournament software.
