Ný afreksstefna 2025-2030
BTÍ hefur birt nýja afreksstefnu hér á síðunni, en hún var fyrst kynnt á formannafundi miðvikudaginn 19. nóvember sl. og verður jafnframt kynnt á komandi borðtennisþingi.
Líkt og í stefnunni greinir var afreksstefnan unnin á tímabilinu desember 2024 til nóvember 2025. Hún byggir á síðustu afreksstefnu BTÍ, ramma ÍSÍ fyrir afreksstefnur, vinnustofu BTÍ um afreksstefnu borðtennishreyfingarinnar 4. desember 2024 sem Vésteinn Hafsteinsson, þáverandi afreksstjóri ÍSÍ, leiddi, mati nýs landsliðsþjálfara Sindre Åteigen í október 2025, og vinnu og samtölum stjórnar og landsliðsnefndar.
Í henni kemur m.a. fram aðgerðaráætlun fyrir árin 2026 og 2027 og svo almenn markmið og afreksmarkmið til ársins 2030.
